Poem of Tahir Adeem

آنکھوں میں کسی کی تو کہیں دل میں اُترنا
آیا نہیں طاہر کسی منزل پہ اُترنا

محتاط مِرا سارے نشاں دھوئے گا لیکن
اے میرے لَہو تُو رخِ قاتل پہ اُترنا

درپیش مجھے ہیں مِرے اپنوں ہی کے چہرے
اے میرے خدا اب مِری مشکل پہ اُترنا

ٹوٹے توکسی طور غرور اس کی انا کا
حُسنِ رخِ جاناں! مہِ کامل پہ اُترنا

پھر گردش تقدیر میںہم لوگ گھرے ہیں
قسمت کے ہما! اب کسی قابل پہ اُترنا

پہنچے ہیں سرِ وصل کہیں جاں سے گزر کر
اے عشق بتدریج منازل پہ اُترنا

ہم لوگ کہ ربرو ہیں عشق کے طاہر
سیکھا نہیں ہم نے کسی ساحل پہ اُترنا