Poem of Tahir Adeem 5

ایک اشک دریائے بے بہا سے جُڑا ہُوا ہے
مِری فنا کا سِرا بقا سے جُڑ ا ہُوا ہے

نہ جانے لے جائے کس جہاں کو مجھے مِرا دل
کہ ابتدا ءمیں ہی انتہا سے جُڑا ہُوا ہے

ہے کیوں نِدید ِدروں کا پہرا فراتِ دل پر
وہ کیا ہے مجھ میں جو کربلا سے جُڑا ہُوا ہے

غرور اُسکو نسب پہ اپنے ہے گر تو سُن لے
کہ نام مِرا بھی اولیا ءسے جُڑاہُوا ہے

کہیں یہ مِرے ہی پاﺅں سے تو نہیں ہے اُترا
جو نقش ِ پا___مِرے نقش ِ پا سے جُڑ ا ہُوا ہے

بحال رشتہ ہے عضو در عضو مِرا مُجھ سے
یہ جسم سارا تری عطا سے جُڑا ہُوا ہے

پڑا ہُوا ہُوں میں اسکی چوکھٹ پہ جب سے طاہر
قدم زمیں سے تو سَر سما سے جُڑا ہُو ا ہے